Qostanaı oblysynda kitaphanalar men murajaılardyń jumysyna ruqsat etildi
QOSTANAI. QazAqparat - Qostanaı oblysynda karantın sharalary 14 jeltoqsannan bastap jeńildetildi, dep habarlaıdy QazAqparat.
Búgin Qostanaı oblysynyń bas sanıtarlyq dárigeri Vladımır Nechıtaılo jańa qaýly shyǵardy.
Buǵan deıin jarııalanǵan «Karantın sharalaryn qatańdatý týraly» Qostanaı oblysynyń bas memlekettik sanıtarlyq dárigeriniń 2020 jylǵy 5 qarashadaǵy № 54 qaýlysyna ózgerister engizildi. Atap aıtqanda, jańa jyldyq korporatıvterdi, balalar erteńgilikterin, jappaı merekelerdi ótkizýge tyıym salynady. Sondaı-aq, mádenıet obektileriniń (jeke, toptyq daıyndyqtar), teatrlardyń jumysy ýaqytsha toqtatylady.
«Kitaphanalardyń, murajaılardyń qyzmetine ruqsat beriledi. Bul rette ǵımarat tolymdylyǵy 30%-dan aspaýy tıis. Oblysaralyq jolaýshylar tasymaldaryn qospaǵanda, 15 adamnan aspaıtyn oblysishilik, qalaaralyq qoǵamdyq jolaýshylar kóliginiń (avtobýstar, shaǵyn avtobýstar, taksı) júrýine ruqsat etilsin.
Taksı qyzmetteriniń jumysyna ýaqyt boıynsha shekteýsiz ruqsat beriledi. Taksı júrgizýshileri men jolaýshylaryna mindetti túrde betperde kııýi tıis.
Azyq-túlik dúkenderiniń, onyń ishinde shaǵyn marketter, sýpermarketter, gıpermarketter qyzmetine saǵat 08:00-den 23:00-ge deıin ruqsat berý. Dárihanalar shekteýsiz jumys isteıdi.
Avtojanarmaı quıý stantsııalary kezindegi shaǵyn marketterdiń qyzmeti jalǵasady», delingen bas sanıtar dárigerdiń redaktsııalanǵan qaýlsynda.
Osy qaýly 2020 jylǵy 14 jeltoqsan saǵat 00:00-den bastap kúshine enedi. Jeńildetý sharalary eki aptaǵa sozylady.
