Qostanaı oblysynda kıik sanaǵy júrgizildi
QOSTANAI. QazAqparat - Oblys aýmaǵynda tikushaq arqyly arqyly kıikter sanaǵy júrgizildi, dep habarlaıdy QazAqparat.
Joıylyp bara jatqan janýarlardy aýlaýǵa tyıym salynǵanymen, zań buzýshylar azaıar emes. Qyzyl kitapqa engen bul janýardy atý boıynsha oblysymyzda bıyl 1 derek tirkeldi. Kıikterdi qorǵaý baǵytyndaǵy jumystar oblysta kúsheıtilip, arnaıy is-sharalar tizimi bekitildi. Biraq zańsyz ań aýlaýshylarǵa áli tolyq tyıym bolmaı tur. Kóbine brakonerler bókenderdi baǵaly múıizine bola atady. Óıtkeni, emdik qasıeti bar.
«Osy ýaqytqa deıin kıikterdi zańsyz aýlaý boıynsha 9 fakti tirkeldi. Bir ókinishtisi, qaskóılerdiń arasynda «Altyn dala» rezervatynyń qyzmetkeri de boldy. Onyń ústinen qylmystyq is qozǵaldy. Jalpy, osydan 5 jyl buryn bizdiń oblysta 240 myńdaı kıik bolsa, byltyrǵy sanaq boıynsha onyń sany 76 myńǵa deıin azaıdy», - dedi Orman sharýashylyǵy jáne janýarlar dúnıesi oblystyq aýmaqtyq ınspektsııasy bastyǵynyń orynbasary Ǵylymhan Moldaǵulov.
Bıyl aqbókender aman-esen tól órbitse, olardyń sany artatynyn aıtady mamandar. Negizi, bıyl orman jáne ań sharýashylyǵy aýmaqtyq basqarmasy men polıtseıler júrgizgen tekseristiń nátıjesinde zańsyz ań aýlaǵan 87 adam ákimshilik jazaǵa tartyldy.
