Qostanaı oblysynda «Qazandyq» oıynynan zardap shekken eki adamnyń aqshasy qaıtaryldy
QOSTANAI. QazAqparat – Qostanaı oblysynda «Qazandyq» nemese «Qara kassa» oıynynan zardap shekken adamdardan alǵashqy aryz tústi, dep habarlaıdy QazAqparat Alau.kz-ke silteme jasap.
Polıtsııanyń portalǵa bergen málimeti boıynsha, mundaı aryz úsheý bolyp shyqty. Olardyń biri oıynda qarjylyq pıramıda belgileri bar ekenin baıqap, 14 300 teńge kóleminde engizgen aqshasyn qaıtaryp aldy.
Odan ózge eki adam oıynǵa óz qalaýynsyz qosylǵan. Olardan tólem kartasyna aqsha aýdarýdy suraǵan, sodan keıin zardap shekken azamattar avtomatty túrde «Qazandyq» oıynynyń qatysýshylaryna aınaldy.
Osy jaǵdaı olardyń polıtsııa mekemesine kelip, aryz jazýyna sebep boldy. Qazirgi ýaqytta úsh adamnyń ekeýiniń aqshasy qaıtaryldy.
Aıta keteıik, osyǵan deıin prokýratýranyń «Qazandyq» nemese «Qara kassa» oıynyn alaıaqtyq áreket dep baǵalaǵanyn jazǵan bolatynbyz.
