Qostanaı oblysynda qaza tapqan úsh adamnyń sý tasqynyna qatysy joq - ІІD
QOSTANAI. QazAqparat - Qostanaı oblysynda úsh adam sýǵa batyp ketti, alaıda resmı tulǵalar olardyń ólimin sý tasqynymen baılanystyrmaı otyr, dep habarlaıdy «QazAqparat» HAA tilshisi.
Birinshi jaǵdaı 10 sáýir kúni Arqalyq qalalyq ІІB men TJ departamentiniń qyzmetkerleri Mırnyı aýylynan 4 shaqyrym jerdegi egistiktegi aryqtan eki turǵynnyń múrdesi jatqan avtomobıldi tapty.
«Qaza tapqandar 1962 jylǵy Mırnoe aýyly men 1970 jylǵy Severnyı kentiniń turǵyndary bolyp shyqty, dep habarlaıdy Qostanaı oblystyq ІІD baspasóz qyzmeti. - Saraptamalar taǵaıyndaldy. Júrgizýshi men jolaýshylar aýa raıyna qaramastan, egistik jolmen júrip kele jatqan».
Ekinshi fakti 17 sáýir kúni Qarasý aýdany Vostok kentinde tirkeldi. 58 jastaǵy er kisi aspaly kópirmen kele jatyp, onyń úzilip ketýi saldarynan sýǵa qulap, aǵyp ketken. Qazirgi tańda onyń denesi Qarasý ózeninen izdestirilýde.
«Polıtseıler eki faktini de qaıǵyly jaǵdaı dep tirkedi. Bul oqıǵalardyń sý tasqynyna eshqandaı qatysy joq», - dep atap ótti Qostanaı oblystyq ІІD baspasóz qyzmeti.
