Qostanaı oblysynda qaza bolǵan polıtseılerge qurmet taqtasy ashyldy
QOSTANAI. QazAqparat – Búgin Fedorov aýdanynyń polıtsııa bólimi ǵımaraty aldynda qyzmettik mindetin atqarý kezinde qaza bolǵan polıtseılerge arnalǵan eskertkish taqta ashyldy, dep habarlaıdy QazAqparat.
Qazaqstan táýelsizdik alǵaly beri elimizde 2285 tártip saqshysy qyzmet babynda, sonyń ishinde 785-i qaskóılermen arpalys kezinde qaza bolǵan. Al Qostanaı oblysynda osy jyldary 41 polıtseı el tynyshtyǵy jolynda qurban boldy. Otan úshin otqa túsken F.Balanovskıı, A.Popelın, A.Týromshın, V.Prıvalov, ıÝ.Grıgorov, S.Hasenov, N.Omarov, M.Dosymhanov, I.Kýrochkınderdiń esimi óńirimizdiń polıtsııa shejiresinde altyn áriptermen jazýly.
«Fedorov aýdany polıtsııa bóliminiń aldynda qyzmettik boryshyn atqarý barysynda qaza tapqan ishki ister organdary qyzmetkerlerin eske alýǵa arnalǵan dańq pen taǵzym taqtatasy ashyldy. Qaza tapqan áriptesterimiz halyqtyń tynyshtyǵy jolynda ómirin qıǵandar. Bul bastama Qazaqstan Respýblıkasy Іshki ister mınıstrliginiń josparyna sáıkes qolǵa alynǵan jumys. Bizdiń oblysymyz boıynsha taǵzym taqtatasy Fedorov óńirinde alǵash bolyp tusaýy kesildi. Bul naýqan aımaǵymyzdyń barlyq aýdan-qalalarynda jalǵasyp, eskertkishter ornatylatyn bolady. Taǵzym eskertkishi bolashaq polıtseılerdiń ant qabyldaıtyn, resmı sharalardy ótkizetini jer ǵana emes, keıingi tolqyn úlgi men tárbıe alatyn orynǵa aınalady», - dedi oblystyq polıtsııa departamenti bastyǵynyń orynbasary Ardaq Yntyqbaev.
Shara sońynda aýdandyq tártip saqshylary tas belgige qurmet kórsetip, jınalǵan jurt gúl shoqtaryn qoıdy.
