Qostanaı oblysynda qaıyrymdylyq júgin ákele jatqan sheteldikterdiń kóligi jol-kólik oqıǵasyna ushyrady
QOSTANAI. 10 tamyz. QazAqparat - Almaty-Ekaterınbor tas jolymen kele jatqan Ulybrıtanııanyń úsh turǵyny men bir avstralııalyq azamatsha Altynsarın aýdanyna qarasty Zýevka kentiniń qasynda jol-kólik apatyna ushyrady.
Sheteldikter Mońǵolııaǵa qaıyrymdylyq júgi - balalar oıynshyqtaryn alyp bara jatqan edi.
Aǵylshyn nómirleri bar «Pejo» djıpin 49 jastaǵy aǵylshyn ıAksleı Charlz Nıkolas júrgizdi. Sheteldik kólik joldyń qarsy jolaǵyna shyǵyp, Soltústik Qazaqstan oblysynyń 22 jastaǵy turǵyny júrgizip kele jatqan «Toıota Sıýrf» kóligimen soqtyǵysty. Jol-kólik apatynyń barlyq qatysýshylarynyń qaýipsizdik beldikteri taǵylǵan edi, sheteldikter aýyr dene jaraqattaryn alǵan joq. Qazaqstandyqtar - «Toıota» júrgizýshisi men onyń 22 jasar jolaýshysy Qostanaı oblystyq aýrýhanasyna jetkizildi.
Sheteldikterdiń kóligi jol-kólik oqıǵasynyń saldarynan jaramsyz bolyp qaldy, sondyqtan olardyń Mońǵolııaǵa sapary keıinge qaldyryldy. Qostanaılyq polıtseıler aǵylshyn qonaqtaryn qamqorlyqtaryna alyp, endi olarmen táýlik boıy júr. Tártip saqshylary olarǵa Qostanaıda ýaqytsha ornalasýǵa kómektesti, al Mońǵolııanyń balalaryna arnalǵan oıynshyqtar jergilikti Sábıler úıine jiberiledi.
