Qostanaı oblysynda qatty jelden balanyń ústine aǵash qulady

ASTANA.QazAqparat – Oqıǵa 11 maýsym kúni, Qostanaı oblysyndaǵy saıabaqta boldy. Aıaq astynan jel turyp, 13 jastaǵy balanyń ústine aǵash qulaǵan, dep habarlaıdy QazAqparat Alau.kz-ke silteme jasap.

«Balalar alańda oınap júrgen. Kenet jel turyp, basqa balalar tura júgirgende, meniń ulym qashyp úlgermedi. Onyń ústine aǵash qulap, esinen tanyp qaldy. Mańaıda júrgen úlkender jedel járdem shaqyrdy. Ulymnyń basy jeńil jaraqattanǵan»,- deıdi balanyń anasy.