Qostanaı oblysynda kásiporyn dırektory 10 mln teńge para berý kúdigine ilikti

NUR-SULTAN. QazAqparat - Qostanaı oblysy boıynsha Sybaılas jemqorlyqqa qarsy qyzmeti merdiger kompanııanyń dırektoryna qatysty sotqa deıingi tergeýdi bastady, dep habarlaıdy QazAqparat.

«Ol Rýdnyı qalasy ákimdiginiń «Rýdnyı qalalyq qurylys bólimi» memlekettik mekemesiniń burynǵy basshysyna qalany gazdandyrý boıynsha jumystarǵa memlekettik satyp alý týraly kelisim jasaǵany úshin 10,5 mıllıon teńge kóleminde para bergen dep kúdikke ilindi», - delingen taratylǵan habarlamada.

Kináni moıyndaýyna baılanysty protsessýaldyq ustaý sharasy qoldanylǵan joq.

Buǵan deıin Rýdnyı qalalyq qurylys bóliminiń burynǵy basshysyna para aldy jáne bıýdjet qarajatyn jymqyrdy degen kúdikpen sotqa deıingi tergeý júrgizilip jatqany habarlanǵan bolatyn.

Kúdiktilerge qatysty kinásiniń dárejesine qaraı sońǵy sheshimdi sot shyǵarady.