Qostanaı oblysynda kásipkerdiń 7 mln teńgesi qoldy boldy
QOSTANAI. QazAqparat - Qostanaı oblysynda iri kólemde qarjy urlaý áreketi áshkere boldy, dep habarlaıdy QazAqparat óńirdiń ІІD-ne silteme jasaı otyryp.
Urlyq Áýlıekól aýdanynyń Baǵanaly aýylynda boldy. Qaskóı jergilikti kásipkerdiń keńsesinen seıfti buzyp, 7 mln teńgeni qoldy etken.
«20 qyrkúıekke qaraǵan túni belgisiz bireý qolyna balta alyp, kásipkerdiń jumysyna qaraı bet alǵan. Ol ǵımarattyń qulpyn baltamen buzyp ishke kirgen. Odan ári ol seıfti ashyp, ol jerden bar qarjyny alyp ketken»,-dedi polıtsııa qyzmetkeleri.
Mol qarjyǵa qaryq bolǵan ol úıine qaraı bet alǵan. Alaıda jolda qarjynyń birazyn joǵaltyp alǵan. Tap osy shashylǵan aqsha kúdiktiniń izine túsýge sebepshi boldy. Kúdiktini tártip saqshylary izin sýytpaı ustady. 27 jastaǵy osy aýyldyń turǵyny ýaqytsha oqshaýlaǵyshqa toǵytyldy.
