Qostanaı oblysynda qarjy jymqyrǵan mádenıet úıiniń basshysy men esepshisi sottaldy

NUR-SULTAN. QazAqparat - Qostanaı oblysynyń sybaılas jemqorlyqqa qarsy qyzmeti «E. Ómirzaqov atyndaǵy Taranov aýdandyq mádenıet úıi» MM-niń basshysy Jandybaeva men sol memlekettik mekemeniń bas esepshisi Moşenkoǵa qatysty sotqa deıingi tergeýdi aıaqtady.

Bul týraly QR Sybaılas jemqorlyqqa qarsy is-qımyl agenttiginiń baspasóz qyzmeti habarlady.

Málimetke saı, olar 722 000 teńge somasyna kostıýmderdi tigý boıynsha oryndalǵan jumystardyń jalǵan aktisin ázirlep, oǵan qol qoıý jolymen qyzmettik jalǵandyq jáne bıýdjettik qarajatty jymqyrdy degen kúdikke ilindi.

«Aǵymdaǵy jyldyń 11 qarashasynda Taranov aýdandyq sotynyń úkimimen Jandybaeva B.K. kináli dep tanylyp, múlki tárkilenbesten 3 jylǵa bas bostandyǵynan aıyrý jazasyna taǵaıyndaldy; Moşenko V.A. múlkin tárkileýsiz 2 jyl 6 aıǵa bas bostandyǵyna shekteý qoıý jazasyna kesildi» delingen habarlamada.

Sottalýshylar memlekettik mekemede laýazymdy qyzmetpen aınalysý quqyǵynan ómir boıyna aıyryldy.