Qostanaı oblysynda qarjy polıtsııasy qyzmetkerlerin kezekten tys attestattaýdyń úshinshi kezeńi aıaqtaldy
ASTANA. 27 tamyz. QazAqparat - Qazaqstan Respýblıkasy Prezıdentiniń 2012 jylǵy 8 sáýirdegi «Quqyq qorǵaý organdarynyń qyzmetkerlerin kezekten tys attestattaýdan ótkizý týraly» Jarlyǵyna sáıkes qazirgi tańda Qostanaı oblysy boıynsha
Ekonomıkalyq qylmysqa jáne sybaılas jemqorlyqqa qarsy kúres Departamenti (qarjy polıtsııasy) qyzmetkerlerin kezekten tys attestattaýdyń úshinshi kezeńi aıaqtaldy.
QR Ekonomıkalyq qylmysqa jáne sybaılas jemqorlyqqa qarsy agenttiginiń málimetinshe, aımaqtyq attestattaý komıssııasynyń jumys qorytyndylary ótkizildi. Osy komıssııadan 150 qyzmetker attestattaýdan ótýi tıis bolatyn, naqtyraq 139 qyzmetker ótti, 5 qyzmetker syrqat boıynsha ýaqytsha eńbekke jaramsyz jáne issaparda bolǵandaryna baılanysty attestattaýdan ótken joq. Kezekten tys attestattaýdy ótkizý qarsańynda 6 qyzmetker qarjy polıtsııasy organynan óz erikterimen jumystan shyqty.
Aǵymdaǵy jylǵy 3-16 tamyz aralyǵy kezeńinde attestattaýdan ótetin qyzmetkerler Qazaqstan Respýblıkasynyń zańnamasyn bilý deńgeıin anyqtaıtyn testileýden, logıkalyq oılaý, shymyrlyq jáne jaýyngerlik daıyndyq boıynsha synaq tapsyrdy, sonymen qatar, psıhologpen suhbattasýdan ótti.
Komıssııa jumysyn Departament bastyǵy qarjy polıtsııasynyń polkovnıgi J.Sabyrjanov bastady. Komıssııa quramyna Departament bastyǵynyń orynbasarlary jáne basqarma bastyqtary, sonymen qatar «Qarjy polıtsııasy organdarynyń ardagegerler uıymy» QU Qostanaı oblysyndaǵy fılıalynyń tóraǵasy D.Qabyltaev kirdi. Komıssııa jumysyna Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres Agenttigi (qarjy polıtsııasy) Tóraǵasynyń orynbasary qarjy polıtsııasynyń polkovnıgi A.J. Bodanov qatysty.
Qyzmetkerlermen suhbattasý qorytyndysy boıynsha kelesi nátıjeler alyndy:
1) 17 qyzmetker atqaryp otyrǵan laýazymyna laıyqty jáne kadrlyq rezervke qabyldaýǵa nemese joǵarǵy qyzmetke joǵarlatý úshin usynyldy;
2) 102 - atqaryp otyrǵan laýazymyna laıyqty dep tanyldy;
3) 11 - atqaryp otyrǵan laýazymyna laıyqty emes jáne qyzmette tómendetýge usynyldy;
4) 1 - atqaryp otyrǵan laýazymyna laıyqty emes jáne basqa qyzmetke (laýazym) aýystyrýǵa usynyldy;
5) 8 - atqaryp otyrǵan laýazymyna laıyqty emes jáne qarjy polıtsııasy organdarynan bosatylýǵa usynyldy.
Aımaqtyq attestattaý komıssııasynda qyzmetkerlermen suhbattasýdan ótý kezinde synaqtan ótý jáne psıhologpen suhbattasý, fızıkalyq jáne atys daıyndyǵy nátıjelerinen basqa attestattaýdan ótetin qyzmetkerlerdiń jedel-qyzmet jumysynyń nátıjeleri esepke alyndy.
