Qostanaı oblysynda kartop tuqymyn satyp alýǵa bólingen 96 mln teńge urlanǵan

NUR-SULTAN. QazAqparat - Qostanaıda kartop tuqymyn satyp alý úshin bólingen 96 mln teńge bıýdjet qarajatyn jymqyrǵan azamat anyqtaldy, dep habarlaıdy QazAqparat Qarjylyq monıtorıng agenttiginiń baspasóz qyzmetine silteme jasap.

QMA Qostanaı oblysy boıynsha departamenti aýyl sharýashylyǵy salasy sýbektileriniń senimin teris paıdalaný jáne aldaý jolymen aýyl sharýashylyq taýarlarynyń sapasy men ónimdiligin arttyrý baǵdarlamasy aıasynda sýbsıdııa túrinde, sonyń ishinde kartop tuqymyn satyp alý úshin bólingen bıýdjet qarajatyn birneshe ret jymqyrǵan azamatqa qatysty qylmystyq isti aıaqtady.

Osy azamattyń qylmystyq áreketteriniń nátıjesinde memleketke keltirilgen jalpy shyǵyn kólemi shamamen 96 mln teńgeni quraǵan.

QR QPK 201-babyna sáıkes ózge aqparat jarııalaýǵa jatpaıdy.