Qostanaı oblysynda qarbyz tıelgen KamAZ aýdaryldy

NUR-SULTAN. QazAqparat – 2 qyrkúıekte Qostanaı aýdanynyń polıtsııa bólimine Rýdnyı-Qashar kúre jolynda, Ýlıanovka aýylynan 15 shaqyrym jerde úsh kóliktiń qatysýymen jol-kólik oqıǵasy oryn alǵany týraly habarlama kelip tústi. Bul týraly QazAqparat Alau.kz aqparat portalyna silteme jasap habarlaıdy.

Oqıǵanyń mán-jaıyn anyqtaý kezinde Rýdnyı-Qashar kúre jolymen Fedorov aýdanyna qaraı Volkswagen Polo markaly kólikti júrgizgen 51 jastaǵy júrgizýshiniń ózimen jol-jónekeı kele jatqan KamAZ kóligin basyp ozý kezinde qaýipsizdik erejecin saqtamaı, qarsy jolda kele jatqan «Ford» markaly kólikpen soqtyǵysyp, odan keıin KamAZben soqtyǵysqany belgili boldy.

Jol apaty saldarynan 30 tonna qarbyz tıelgen KamAZ jol jıegine aýdaryldy.

Atalǵan fakti boıynsha materıal jınaldy. Qaza tapqandar men zardap shekkender joq. Polıtsııa qyzmetkerleri júk kóligin joldyń jıeginen shyǵarýǵa túnge deıin kómektesti.