Qostanaı oblysynda karantın talaptary jeńildetildi

QOSTANAI. QazAqparat - Qostanaı oblysynyń bas sanıtarlyq dárigeri Ermuhanbet Dáýletbaev «Karantındik shekteý sharalary jáne olardy kezeń-kezeńmen jeńildetý týraly» qaýlyǵa ózgerister engizdi, dep habarlaıdy QazAqparat.

Túzetýler qaýlynyń eki tarmaǵyna qatysty.

Jańa jarlyqqa sáıkes, qazir dinı nysandardyń qyzmetine oblysta ujymdyq qyzmetter men jappaı is-sharalar, onyń ishinde juma namazy, taraýıh, aıt namazy men aýyzashar, sondaı-aq pasha kezeńindegi saltanatty qyzmetter men is-sharalar (meshit, shirkeý, sınagoga) ótkizýsiz ruqsat etiledi.

Sonymen qatar, olarda ornalasqan qoǵamdyq tamaqtandyrý nysandarynyń jumysyna áli tyıym salynǵan. Jeke jáne toptyq jattyǵýlardy ashyq aýada ótkizýge ruqsat etilgen. Ózgerister 12 sáýirden bastap kúshine enedi.