Qostanaı oblysynda karantın talaptary ózgerdi

QOSTANAI. QazAqparat – Qostanaı oblysy aýmaǵynda karantın sharalarǵa ózgerister endi, dep habarlaıdy QazAqparat taýarlar men kórsetiletin qyzmetterdiń sapasy men qaýipsizdigin baqylaý komıtetine silteme jasap.

Qostanaı oblysynyń bas memlekettik sanıtar dárigeri V. Nechıtaılo qaýlysymen karantın sharalaryna ózgertýler engizildi. Jańa tolyqtyrýlarǵa sáıkes, akvaparkterdiń qyzmetine tyıym salyndy.

Sonymen qatar qoǵamdyq tamaqtandyrý obektileri 30 adamnan artyq kelýshilerdi qabyldamaıdy. Al jumys rejımi saǵat 10:00-den 23:00-ge deıin belgilendi.

Ujymdyq is-sharalardyń ótýine de tyıym salyndy. Dámhanalar «tutynýshyǵa jetkizý» qaǵıdatymen ǵana jumys isteıdi.

Ashyq aýadaǵy attraktsıondardyń qyzmetine ruqsat beriledi. Qazaqstan Respýblıkasynyń chempıonattary men respýblıkalyq jarystar kórermensiz ótedi. Bul rette jarystar bas sanıtar dárigerdiń kelisimi boıynsha kúsheıtilgen sanıtarııalyq-dezınfektsııalyq rejımdi saqtaǵan jaǵdaıda uıymdastyrylady.

«Oblystyq komandalardy daıarlaý úshin oqý-jattyǵý jıyndaryn qaıta bastaýǵa ruqsat beriledi. Jattyǵýǵa 30 adamnan artyq qatysýǵa ruqsat etilmeıdi» delingen vedomstvo habarlamasynda.