Qostanaı oblysynda karantın shekteýleri birshama jeńildetildi
NUR-SULTAN. QazAqparat - Qostanaı oblysynyń Bas memlekettik sanıtarlyq dárigeri E.Dáýletbaevtyń jańa qaýlysymen óńirde karantın shekteýleri birshama jeńildetildi, dep habarlaıdy QazAqparat tilshisi.
Atap aıtqanda, osy jylydyń 13 qyrkúıek kúni saǵat 00-00-den basyna kúshine enetin qujatqan sáıkes, dinı nysandardyń (meshit, shirkeý, sınagogalar jáne t.b.) qyzmetine ujymdyq Qudaıǵa qulshylyq etý jáne buqaralyq is-sharalar, onyń ishinde «juma namazyn» ótkizýge tyıym kúshinde qalady. Degenmen, bir adamǵa keminde 4 sharshy metr esebinen jeke-jeke qulshylyq jasaýǵa ruqsat beriledi. Olarda ornalasqan qoǵamdyq tamaqtaný nysandary tek Ashyq jobasymen jumys isteı alady.
Sonymen qatar oıyn-saýyq aımaqtarynyń jumysyna ruqsat etilmeıdi. Al Ashyq jobasyna qatysatyn saýda ortalyqtary, saýda úıleri, saýda jelileri QR BMSD № 37 qaýlysyna sáıkes jumys isteıdi.
Halyqqa qyzmet kórsetý ortalyqtary demalys jáne mereke kúnderi qyzmetin toqtatady. Jumys kúnderi olar saǵat 9-00-den 18-00-ge deıin halyqqa qyzmet kórsetedi. Biraq, áleýmettik ara qashyqty, maska rejımi, termometrııa, kúsheıtilgen sanıtarııalyq-dezınfektsııalyq rejım saqtalýy tıis. Azamattar HQKO-larǵa aldyn ala brondaýsyz Ashyq qosymshasy arqyly qyzmet ala alady.
