Qostanaı oblysynda karantın rejımi kúsheıtildi
QOSTANAI. QazAqparat – Qostanaı oblysynyń memlekettik bas sanıtar dárigeriniń qaýlysymen 1 shildeden bastap, karantın rejımi kúsheıtildi, dep habarlaıdy QazAqparat.
Qostanaı oblysynyń memlekettik bas sanıtar dárigeri Vladımır Nechıtaılonyń qaýlysyna sáıkes, búginnen bastap oqý fakýltatıvteriniń, bilim berý ortalyqtarynyń, úıirmelerdiń jumysy toqtatylady. Sondaı-aq otbasylyq is-sharalardy ótkizýge ýaqytsha tyıym salyndy. Saıabaqtarǵa, alańdarǵa, skverlerge, jaǵalaýlarǵa 3 adamnan artyq jınalýǵa bolmaıdy. Al, otbasy múshelerine 2 metrden kem emes áleýmettik qashyqtyqty saqtap barýlaryna bolady.
«Turǵyndarǵa kóshede betperde kııý usynylady, bul rette dúkenderde, dárihanalarda, densaýlyq saqtaý uıymdarynda, qoǵamdyq kólikte, keńselerde, kásiporyndarda jáne menshiktiń barlyq nysanyndaǵy basqa da obektiler, adamdar kóp jınalatyn oryndarǵa betperde kııý mindetteledi. Oblystyń eldi mekenderi arasynda saıajaı ýchaskelerine barý úshin eldi mekenge kirýge / ketýge ruqsat etilgen. Jeke, qyzmettik, qoǵamdyq qalaaralyq avtokólikti jáne taksıdi shekteýsiz, mindetti túrde maskalardy alyp júrýge jáne taksı júrgizýshileriniń teri antıseptıkterin, qoǵamdyq kólikti paıdalanýǵa ruqsat etilgen. Respıratorlyq ınfektsııanyń alǵashqy sımptomdary (muryn bitelý, jótel, temperatýra jáne t. b.) paıda bolǵan kezde medıtsınalyq uıymdarǵa barmaı, jedel medıtsınalyq járdemdi 103 nómiri boıynsha úıge shaqyrý arqyly dereý medıtsınalyq kómekke júginý qajet. Úı karantınindegiler «SmartQOSTANAI» mobıldi qosymshasy arqyly «men úı karantınindemin» fýnktsııasyn qosýy tıis. Kásipkerlik sýbektileri men uıymdar menshik nysanyna qaramastan № 43 BMSDQ qosymshasyna sáıkes, karantındik jáne shekteý is-sharalaryn qatań saqtaýy tıis, jumysyna ruqsat etilgen obektiler kúsheıtilgen sanıtarııalyq-dezınfektsııalyq rejımge kóshedi», delingen Qostanaı oblysynyń memlekettik bas sanıtar dárigeriniń qaýlysynda.
Sonymen qatar HQKO-lar onlaın rejıminde qyzmet kórsetýge kóshti. Jumys ýaqyty saǵat 10:00-den 18:00-ge deıin. Sulýlyq salondarynyń, shashtarazdardyń, barbershoptardyń jumysy da 10:00-den 18:00-ge deıin tek aldyn ala jazylý boıynsha júrgiziledi. «Tobyl» fýtbol klýby qatysatyn QR Chempıonatynyń ótkizilýine ruqsat etilgen. Sporttyq-buqaralyq sharalardyń basqasyna ýaqytsha tyıym salyndy.
