Qostanaı oblysynda karantın rejımi engiziledi
QOSTANAI. QazAqparat – Qostanaı oblysynda karantın rejımi engiziledi. Bul týraly oblys ákimi áleýmettik jelide jazdy, dep habarlaıdy QazAqparat.
«Qurmetti qostanaılyqtar! Búgin jedel shtab otyrysy ótti. Densaýlyq saqtaý salasynyń mamandaryn tyńdaı kele, 17 sáýir kúni saǵat 00.00-den bastap 1-shi mamyr saǵat 07.00-ge deıin oblys aýmaǵynda karantın engizý týraly sheshim qabyldandy.
Bul halyqty koronavırýstyq ınfektsııadan qorǵaý úshin májbúrli shara ekenin atap ótkim keledi. Mundaı tájirıbe Qazaqstannyń basqa oblystarynda qoldanylýda. Eń aldymen, karantın rejımi bizge barlyq baılanystarǵa shekteý qoıýǵa jáne qaýipti vırýstyń taralýyna jol bermeýge múmkindik beredi»,- dep jazdy oblys basshysy.
Arhımed Muhambetov dárigerler, polıtsııa jáne tirshilikti qamtamasyz etý kásiporyndarynyń qyzmetkerleri kúsheıtilgen rejımge kóshkenin atap ótti. Sonymen qatar ol turǵyndarǵa qoldan kelgenshe kómek kórsetiletinin aıtty.
«Oblystyń barlyq turǵyndaryn karantın jaǵdaıyna barynsha baıypty qaraýdy suraımyn. Úıde bolyp, barlyq medıtsınalyq usynystardy saqtaý qajet. Qymbatty qostanaılyqtar! Ó zderińizdi jáne jaqyn jandardy qorǵańyzdar! Árbir otbasyǵa amandyq, barlyq qostanaılyqtarǵa myqty densaýlyq jáne senimdilik tileımin. Qanshama ret qıyndyqtardy bastan ótkerdik, biraq árdaıym tek alǵa júrdik. Biz barlyǵyn jeńemiz jáne osy joly da jeńiske sózsiz jetemiz. Biz birgemiz!» - dep atap ótti aımaq ákimi.
