Qostanaı oblysynda qar jaýyp, boran soǵyp tur
QOSTANAI. QazAqparat - Qostanaı oblysynyń keı aýdandarynda boran soǵyp tur, dep habarlaıdy QazAqparat.
Turǵyndar kenetten jaýǵan qardyń sýretteri men beınejazbalaryn áleýmettik jelilerde jarysa bólisip jatyr. Rasymen de, tabıǵattyń tosyn minezi jurtty abdyratyp tastady.
«Keshe ǵana kún ashyq edi. Tús áletinde jel kúrt kúsheıip, burqasyn soqty. Aınalasy jarty saǵatta aınalany qar basty. Qazir borandatyp tur», - deıdi Dıas Qaıyrken esimdi jergilikti azamat.
Qazgıdromet ortalyǵynyń Qostanaı oblysyndaǵy fılıaly oblystyń keı aýmaǵynda jeldiń jyldamdyǵy sekýndyna 15-20 metr bolatynyn eskertedi. Synap baǵanasy búgin túnde -7 gradýsqa deıin tómendeýi múmkin.
Al Qostanaı qalasynda túnde -3...-5, kúndiz +5...+7 gradýs bolady.
