Qostanaı oblysynda qar basqan aýyldan ýlanǵan úsh bala evakýatsııalandy
QOSTANAI. QazAqparat - Qostanaı oblysynyń ońtústiginde qar basqan Kóktaý aýylynan úsh naýqas bala evakýatsııalandy, dep habarlady «QazAqparat» HAA tilshisi.
Qostanaı oblysy TJD baspasóz qyzmetiniń aqparatyna sáıkes, qutqarý operatsııasyn Soltústik óńirlik aeromobıldik jedel qutqarý jasaǵynyń qyzmetkerleri júrgizdi. Olardyń birneshe shaqyrym kúrtik qardy eńserýine týra keldi. Kóktaý Arqalyqtan 45 shaqyrym jerde.
1,5-7 jas aralyǵyndaǵy balalarǵa jedel medıtsınalyq kómek qajet boldy. Jergilikti feldsher olarǵa ýlanǵan degen dıagnoz qoıdy. Olardy analarymen jáne dárigermen birge Arqalyq qalalyq ınfektsııalyq aýrýhanasyna jetkizdi.
