Qostanaı oblysynda qabir basyndaǵy tastardy qıratyp ketken
QOSTANAI. QazAqparat - Qostanaı oblysynda 11 synyp oqýshylary zırat basyndaǵy tastardy qıratyp ketken, dep habarlaıdy QazAqparat tilshisi oblystyq ІІD baspasóz qyzmetine silteme jasap.
Qostanaı oblysy ІІD baspasóz qyzmetinde málim etilgendeı, Ashýtasty aýylynda zırat basyna kelip, tastar men aǵash kresterdi qıratqandarǵa qatysty QR QK-niń 314-babynyń 2-bóligine («Ólgen adamdardyń máıitterin jáne olar jerlengen jerlerdi qorlaý») sáıkes sotqa deıingi tergep-tekserý amaldary júrgizilýde.
«Jedel izdestirý sharalary barysynda qabir tastaryn qıratyp ketken Arqalyq qalasyndaǵy orta mekteptiń 11 jasar eki oqýshysy ekeni anyqtaldy. Olar kinálaryn moıyndady», - dedi oblystyq ІІD baspasóz hatshysy Irına Bejenar.
Aıta keteıik, zırattaǵy qırap jatqan tastardy kórgen aýyl adamdary tártip saqshylaryna habar bergen. Qazir bul oqıǵa boıynsha tergeý júrip jatyr. Tergeý nátıjesinen soń keltirilgen shyǵyn mólsheri tolyǵymen óteletin bolady.
Foto:Alau.kz
