Qostanaı oblysynda iz-túzsiz ketken zeınetkerdiń denesi ózennen tabyldy
QOSTANAI. QazAqparat – Amangeldi aýdanynda 1935 jyly týǵan er adamnyń denesi tabyldy, dep habarlaıdy QazAqparat.
Aqparatty oblystyq TJD baspasóz qyzmeti taratty. Oqıǵa Amangeldi aýdanynyń Qarasý aýylynda bolǵan.
«Jaldama ózenine batyp ketken 1935 jyly týǵan er adamnyń denesin týystary tapty. Ol belgisiz sebeptermen tún ortasynda úıinen shyǵyp ketken», - dep málim etti vedomstvonyń baspasóz qyzmeti.
Zeınetkerdiń sýǵa túsýge ruqsat etilmegen aýmaqta bolǵany anyqtaldy. Kisi óliminiń naqty sebepteri tekserilip jatyr. Sot-medıtsınalyq saraptama taǵaıyndalǵan.
