Qostanaı oblysynda iri taýarly sút fermasy iske qosyldy
dep habarlaıdy «QazAgroQarjy» AQ-nyń baspasóz qyzmeti.
Jalpy quny 955 mıllıon teńge bolatyn «Saryaǵash» JShS jobasy Údemeli ındýstrııaldyq-ınnovatsııalyq memlekettik baǵdarlamasy aıasynda «QazAgroQarjy» AQ-nyń qarjylandyrýymen júzege asty.
Oblystyń Denısovka aýdanynda ornalasqan ferma 1250 bas iri qaraǵa eseptelgen.
«Jobanyń birinshi kezeńinde «Saryaǵash» JShS-de sıyr qora men sút saýý zaly eń sońǵy zamanaýı tehnıkalarmen jaraqtaldy. 2012 jyly ekinshi kezeńin iske qosý kezinde ekinshi sıyr qora men tóldeıtin oryndar salynbaq», - delingen baspasóz habarlamasynda.
«QazAgroQarjy» AQ atalmysh jobany agroónerkásiptik keshendegi ınvestıtsııalyq jobalardy júzege asyrý aıasynda qarjylandyrdy.Jalpy búgingi ýaqytqa deıin kompanııa 16 iri taýarly sút fermasyna 13 mlrd. teńgeden astam qarjy bóldi. Sonyń ishinde 14 joba iske qosyldy jáne qazirgi kezde sátti jumys jasaýda.
