Qostanaı oblysynda iri kólemdegi esirtki tárkilendi
QOSTANAI. QazAqparat - Qostanaı oblysynyń esirtki bıznesine qarsy kúres basqarmasynyń qyzmetkerleri 48 jastaǵy rýdnyılyqtan iri kólemdegi esirtki tárkiledi, dep habarlaıdy QazAqparat tilshisi.
Kúdikti er adam 28 qyrkúıek kúni Fedorov aýdanyna qarasty Qorjynkól aýylyna kelgen kezde ustalǵan. Aýladaǵy qurylys materıaldarynyń arasynan shamamen 4 keli marıhýana jáne 190 gramm gashısh tabyldy. Sonymen qatar, kúdikti qorasynan oq-dári salynǵan eki qorap jasyrǵan. Buǵan qosa ol qorasynda taǵy da kóp mólsherde esirtki zattaryn saqtaǵan.
«Kúdiktiniń turǵylyqty jerindegi iz kesý sharasy barysynda salmaǵy 5 290 gramm marıhýana jáne 200 gramm gashısh tabyldy. Asa iri mólsherde esirtki saqtaǵan azamatqa qatysty QR QK 297-babynyń 1-bólimi boıynsha sotqa deıingi tergeý sharalary bastaldy», - dep habarlady oblystyq ІІD baspasóz qyzmeti.
Jyl basynan beri polıtseıler «Kóknar-2017» esirtkiniń kontrabandalyq arnasyn joıý operatsııasy kezinde 1 351 keli esirtki tárkilegen.
