Qostanaı oblysynda iri kólemde gerbıtsıd urlaǵandar ustaldy
QOSTANAI. QazAqparat - Qostanaı oblysy Uzynkól aýdanynyń polıtseıleri qoımadan hımııalyq zattardy urlaǵan buzaqylardy qolǵa túsirdi, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
Oqıǵa Uzynkól aýdanynyń Varvarov aýylynda bolǵan. Jergilikti seriktestik jetekshisi gerbıtsıd urlanǵanyn aıtyp, polıtsııaǵa júgingen.
«Oqıǵa ornyna jedel tergeý toby jumyldyryldy. Polıtsııa qyzmetkerleri JShS aýmaǵynda ornalasqan qoımalardy tekserdi. Aspaly qulyptardy buzý arqyly ósimdikterdi joıý úshin qoldanylatyn hımııalyq zattardyń qoldy bolǵanyn anyqtady. Shyǵyn kólemi 15 mıllıon teńgeden asty», - delingen vedomstvo taratqan habarlamada.
Jedel izdestirý barysynda tártip saqshylary Meńdiqara jáne Qostanaı aýdandarynyń eki turǵynyn ustady. Kúdiktilerge qatysty QR QK 188-baby, 4-tarmaǵy (Asa iri kólemdegi urlyq) boıynsha sotqa deıingi tergeý sharalary júrgizilip jatyr.
