Qostanaı oblysynda iri kólemde esirtki satqan qylmystyq top ustaldy

QOSTANAI. QazAqparat – Qostanaılyq tártip saqshylary oblys aýmaǵynda esirtki taratýmen aınalysatyn uıymdasqan qylmystyq toptyń jolyn kesti, dep habarlaıdy QazAqparat oblystyq polıtsııa departamenti baspasóz qyzmetine silteme jasap.

Polıtsııa bastyǵy Beket Aımaǵambetovtiń aıtýynsha, bul is sotqa jetken. Osy derek boıynsha 200 jedel-iz kesý sharalary júrgizilgen. Alty kúdiktige qylmystyq kodekstiń birneshe baby boıynsha aıyp taǵyldy. Olar esirtkini zańsyz ótkizgeni, qylmystyq áreketti jarııa etkeni jáne qylmystyq topty qurǵany úshin jaýapqa tartylady.

«Qostanaı oblysy aýmaǵynda alty adamnan turatyn top esirtkini satý jáne jetkizýdi uıymdastyrǵan. Esirtki zattaryn Rýdnyı qalasy men Fedorov aýdanynda taratqan. Tergeý barysynda osy toptyń qylmystyq áreketi dáleldendi. Tergeý málimetteri boıynsha osy ýaqyt ishinde qylmyskerler 5 keliden astam geroın satqan. Kúdiktiler Rýdnyı qalasy men Fedorov aýdanynda ustaldy»,- dedi B. Aımaǵambetov.

Qazirgi ýaqytta isti Qostanaı oblysynyń qylmystyq ister jónindegi mamandandyrylǵan aýdanaralyq soty qaraıdy.