Qostanaı oblysynda HQKO-nyń jumys kestesi ózgerdi

QOSTANAI.QazAqparat – Qostanaı oblysynyń Bas sanıtarııa dárigeri orynbasarynyń qaýlysyna sáıkes, Qostanaı qalasynyń mamandandyrylǵan halyqqa qyzmet kórsetý ortalyǵynda qujattar 16.00-ge deıin qabyldanatyn boldy, dep habarlaıdy QazAqparat «Azamattarǵa arnalǵan úkimet» memlekettik korporatsııasynyń baspasóz qyzmetine silteme jasap.

Qostanaı oblysynyń halyqqa qyzmet kórsetý ortalyqtarynyń jumys kúnderi (dúısenbi-juma) jumys kestesi saqtalǵan. Olar 9.00-den 18.00-ge deıin jumys isteıdi. Biraq, mamandandyrylǵan qyzmet kórsetý ortalyǵynyń jumys kestesine túzetý engizildi.

«Arnaıy ortalyqta memlekettik qyzmet kórsetý erekshelikterine baılanysty keste jasaldy. Ortasha eseppen aıtaıyq, júrgizýshi kýáligin alýǵa nemese kólik quralyn qaıta rásimdeýge bir jarym saǵat ketedi. Qujattardy tapsyrǵan adam daıyn nátıjeni arnaıy ortalyqta kútedi. Qyzmet alýshylarǵa daıyn qujattardy sol kúni berý úshin qujattardy qabyldaý saǵat 16.00-de aıaqtalady. Sondyqtan, Qostanaı oblysynyń turǵyndary arnaıy ortalyqta kezekke tapsyrys berý kezinde osy kesteni eskerýi kerek. ıAǵnı, qujattardy tapsyrý úshin sońǵy brondaý ýaqyty 15.30 dep belgilenip otyr. Sonymen birge, Qostanaıdaǵy barlyq halyqqa qyzmet kórsetý ortalyqtarynda kezekke aldyn ala tapsyrys berip, Rýdnyı jáne Tobyl qalalaryndaǵy halyqqa qyzmet kórsetý ortalyqtaryna barý kerek ekenin eskertemin», — dep túsindirdi «Azamattarǵa arnalǵan úkimet» memlekettik korporatsııasy» Qostanaı oblysy boıynsha fılıalynyń PR-menedjeri ıAroslava Bogatyreva.

Esterińizge sala keteıik, kezekke aldyn ala egov.kz elektrondyq úkimet portaly, EgovKZBot 2.0 Telegram boty nemese 1414 baılanys ortalyǵy arqyly jazylýǵa bolady.