Qostanaı oblysynda gaz ballony jarylyp, eki zeınetker kóz jumdy
QOSTANAI.QazAqparat – Qostanaı oblysynda jeke turǵyn úı sektorynda gaz ballony jarylyp, eki adam órtenip ketti, dep habarlaıdy QazAqparat oblystyq TJD baspasóz qyzmetine silteme jasap.
Oqıǵa Qostanaı oblysynyń Áýlıekól aýdanynda boldy. Órt sóndirýshiler kelgende turǵyn úı tolyǵymen jalyn qorshaýynda qalǵan.
«Qutqarýshylar kelgenge deıin bir gaz ballonynyń jarylǵany belgili boldy. TJD qyzmetkerleri úı ishinen eki gaz ballonyn shyǵardy. Órt 80 sharshy metr aýmaqty sharpydy. Qutqarý jumystaryna jeke quramnyń 8 qyzmetkeri men 2 arnaıy tehnıkasy jumyldyryldy. Oqıǵa ornynda 1937 jáne 1936 jyly týǵan eki áıeldiń denesi tabyldy», delingen TJD aqparatynda.
Órttiń naqty sebepteri men shyǵyndary anyqtalýda. Oblystyq TJD turǵyndardy órt qaýipsizdigin saqtaýǵa shaqyrady.
