Qostanaı oblysynda gaz ballony jarylyp,aýyldyń úsh turǵyny zardap shekti
QOSTANAI. QazAqparat - Qostanaı aýdanynyń Zatobolsk ákimshilik ortalyǵynda gaz ballony jarylyp, úsh adamdy kúıik shaldy, dep habarlaıdy QazAqparat tilshisi.
Sergeı men Lıýdmıla Dýbrovskııler men Sergeıdiń egizi aýyr halde Qostanaı oblystyq aýrýhanasynyń jan saqtaý bólimine jetkizildi. Erli-zaıyptylardyń terisiniń 85 paıyzy kúıgen. TJD baspasóz qyzmetiniń habarlaýynsha, 48 jastaǵy otaǵasynyń beti, basy, moıyny, arqasy jáne aıaq-qoly kúıgen. Onyń egiziniń bet, bas, moıyn, arqa, keýdesin kúıik shalǵan, jelke tusy ashyq jaraqattanǵan. 47 jastaǵy áıeldiń de beti, basy, arqasy, aıaq-qoly jáne tynys alý joldary kúıgen.
Dárigerler naýqastardyń jaǵdaıyn óte aýyr dep baǵalaýda. Oqıǵa saldarynan zardap shekkenderdiń jeke úıiniń úsh qabyrǵasy qulaǵan, 80 sharshy metr aýmaq órtengen.
Belgili bolǵandaı, Sergeı Dýbrovskıı balyq aýlaımyn dep satyp alǵan salmaǵy 5 keli kishigirim gaz ballony jarylǵan. TJD mamandary jarylys sebepterin anyqtap jatyr. Zardap shekkenderdiń týystary jerlesterine «kez kelgen topta jáne kez kelgen rezýs-faktorda» qan tapsyrý týraly ótinish jasady.
