Qostanaı oblysynda eski ǵımarat órtenip, eki adam kóz jumdy
QOSTANAI. QazAqparat – Qostanaı oblysynda eski ǵımarat órtenip, eki er adam kóz jumdy, dep habarlaıdy QazAqparat oblystyq Tótenshe jaǵdaılar departamentiniń baspasóz qyzmetine silteme jasap.
Oqıǵa búgin túngi saǵat 03:20 shamasynda Jitiqara qalasynda boldy. Aldyn ala boljam boıynsha, bes qabatty eski ǵımarat ishinde qoqys tutanǵan.
«Órt ornynda eki er adamnyń múrdesi tabyldy. Olar týraly málimetter izdestirilip jatyr. Órt kezinde 1970 jyly týǵan er adam qutqaryldy. Oǵan «bas jaraqaty jáne denesiniń kógerýi dıagnozdary qoıyldy», - delingen vedomstvonyń aqparatynda.
Ottyń tutanýynyń jáne kisi óliminiń sebepteri anyqtalýda.
