Qostanaı oblysynda esirtki qoıyp ketýshi iri partııamen ustaldy

QOSTANAI. QazAqparat - Qostanaı oblysynyń polıtseıleri esirtki qoıyp ketýshini iri partııamen ustady, dep habarlaıdy QazAqparat ІІM-ne silteme jasap.

«Qarasora-2023» jedel-aldyn alý is-sharasy barysynda PD Esirtki qylmysyna qarsy is-qımyl basqarmasynyń qyzmetkerleri Rýdnyı qalasynyń 23 jastaǵy turǵynyn ustady. Ol esirtkini jasyryn qoıyp ketý arqyly taratqan.

«Kúdiktiden «PvP» esirtkisiniń 96 baılamy tárkilendi. Sondaı-aq garajdy tekserý kezinde taǵy 65 sıntetıkalyq esirtki tabyldy. Tárkilengen zattyń jalpy salmaǵy 50 gramnan asady. Ol 10-15 jylǵa deıin bas bostandyǵynan aıyrylýy múmkin», - dep jazdy mınıstrlikten.

QR QK-niń 297-baby boıynsha sotqa deıingi tergeý bastaldy. Aldyn ala málimetter boıynsha, qoıyp ketýshi esirtkini Telegram kanal arqyly taratyp, Rýdnyıǵa ǵana emes, Lısakovsk qalasyna da qoıyp ketip otyrǵan.