Qostanaı oblysynda esirtki dılerleriniń qylmystyq toby ustaldy - ІІM

QOSTANAI. QazAqparat - ІІM qyzmetkerleri jáne Qostanaı oblysynyń polıtseıleri uzaq ýaqyt izine túsip, esirtki ótkizýmen aınalysqan uıymdasqan qylmystyq topty ustady, dep habarlaıdy QazAqparat mınıstrliktiń baspasóz qyzmetine silteme jasap.

Qylmyskerlerdi quryqtaý jergilikti polıtsııa departamentiniń arnaıy maqsattaǵy jasaǵy qatystyryla otyryp Rýdnyı qalasy men Fedorov aýdanynyń aýmaǵynda júrgizildi.

«10 adamnan turatyn turaqty qylmystyq topta uıymdastyrýshy, kýrer, ótkizýshi, jetkizýshilerdiń rólderi naqty belgilengen. Qazirgi ýaqytta toptyń 6 múshesi ýaqytsha ustaý ızolıatoryna qamaldy, 4-ýine qatysty eshqaıda ketpeý týraly bultartpaý sharasy qabyldandy», delingen habarlamada.

Polıtsııa qyzmetkerleri ustaý jáne tintý is-sharalary barysynda 400 gramm geroın, 3,55 mln teńge, 6,4 myń dollar, altyn buıymdar jáne 5 kólik tárkilendi.

Qylmystyq toptyń uıymdastyrýshylary men qatysýshylaryna qatysty QR QK-niń 297-babynyń 3-bóligi boıynsha (asa iri kólemde esirtkini ótkizý), sondaı-aq QR QK-niń 262-babynyń 1-bóligi boıynsha (qylmystyq top qurý jáne basqarý) jáne QR QK-niń 262-babynyń 2-bóligi boıynsha (UQT qatysý) sotqa deıingi tergeý amaldary bastaldy.

Qoldanystaǵy zańda atalǵan qylmystar úshin múlkin tárkileı otyryp, 12 jyldan 15 jylǵa deıin bas bostandyǵynan aıyrý túrindegi jaza kózdelgen.