Qostanaı oblysynda erteńnen bastap karantındik sharalar jeńildeıdi
Buǵan deıin jarııalanǵan «Karantın sharalaryn qatańdatý týraly» Qostanaı oblysynyń memlekettik bas sanıtar dárigeriniń 2020 jylǵy 7 jeltoqsandaǵy № 54 qaýlysyna ózgerister engizildi. Atap aıtqanda, sanıtarııalyq-profılaktıkalyq sharalardy saqtaı otyryp akvaparkter men termoparkterdiń jumysyna ruqsat berildi. Jumys kestesi saǵat 09:00-den 22:00-ge deıin (aldyn ala jazylý boıynsha) belgilendi. Alaıda atalmysh nysandardyń jumysy jeksenbi kúnderi toqtatylady.
Qaýlyǵa engizilgen basqa da ózgerister tómendegideı:
1) jumys kúnderi saǵat 06:00-den 23:00-ge deıin (jeksenbi kúnderi toqtata turý) qalalyq qoǵamdyq kóliktiń jumysyna ruqsat berý; avtobýstar sońǵy aıaldamada dezınfektsııalyq quraldarmen mindetti túrde óńdelýi tıis; «SSKBK» AQ jumyskerlerin tasymaldaıtyn Rýdnyı qalasyndaǵy № 1, 2, 6, 7, 8, 10, 11, 29, 200 marshrýttardyń demalys kúnderi júrý ýaqyty saǵat 5:00-den 10:00-ge deıin jáne 17:00-den 01-00-ge deıingi aralyqta belgilensin;
2) jumys kúnderi azyq-túlik dúkenderi men dárihanalardy qospaǵanda, kúsheıtilgen sanıtarııalyq-dezınfektsııalyq rejımdi saqtaı otyryp, 1 kelýshige 30% - dan aspaıtyn, keminde 4 sh.m. toltyrýmen, saǵat 10:00-den 22:00-ge deıin saýda, oıyn-saýyq ortalyqtarynyń qyzmetine ruqsat berý. Kınozal, oıyn-saýyq ortalyqtardyń jumysyna ruqsat etilmeıdi; bul rette alańy 2000 sharshy metrden astam azyq-túlik emes saýda obektileriniń, onyń ishinde azyq-túlik dúkenderi men dárihanalardaǵy saýda-oıyn-saýyq ortalyqtarynyń jumysy jeksenbi kúnderi toqtatyla tursyn;
3) kúsheıtilgen sanıtarııalyq-profılaktıkalyq is-sharalardy saqtap, jumys kúnderi saǵat 9:00-den bastap 22:00-ge deıin qoǵamdyq monshalardyń, saýnalardyń jumysyna (qatań túrde aldyn ala jazylýmen) ruqsat berý;
4) jumys kúnderi saǵat 08:00-den 22:00-ge deıin jabyq sport obektileriniń (sport keshenderi, sport mektepteri, sport klýbtary, jattyǵý zaldary, fıtnes-ortalyqtar, sporttyq-saýyqtyrý ortalyqtary jáne basqalar) jumysyna ruqsat etiledi;
5) bir mezgilde 30-dan aspaıtyn kelýshi bolǵan jaǵdaıda, 1 ústel basynda 4 adamnan aspaıtyn, ústelder arasyndaǵy qashyqtyq keminde 2 metr, jumys kúnderi jumys rejımin belgileı otyryp, saǵat 08:00-den 23:00-ge deıin, saltanatty, otbasylyq, estelik, ujymdyq is-sharalar ótkizbeı, QR BMSD №57 qaýlysynyń talaptaryn saqtap úı-jaılarda qoǵamdyq tamaqtandyrý obektileriniń qyzmetine ruqsat berý;
6) basseınderdiń qyzmetine aldyn ala jazylý boıynsha, jeke formatta, sý aınasynyń 5 sharshy metr esebinen 1 adamǵa, saǵat 9:00-den 22:00-ge deıin QR BMSD № 57 qaýlysynyń talaptaryn saqtaı otyryp ruqsat berý; jumys demalys jáne mereke kúnderi toqtatyla tursyn;
7) kúsheıtilgen sanıtarııalyq-profılaktıkalyq sharalardy saqtaı otyryp, saǵat 10:00-den 19:00-ge deıin azyq-túlik jáne azyq-túlik emes bazarlardyń, onyń ishinde jabyq bazarlardyń jumysyna ruqsat etilsin. Jeksenbi kúnderi jabyq azyq-túlik jáne azyq-túlik emes bazarlardyń jumysyna tyıym salynsyn;
Qostanaı oblysynyń memlekettik bas sanıtar dárigeriniń osy qaýlysy 2020 jylǵy 15 jeltoqsan saǵat 24:00-den bastap kúshine enedi.
