Qostanaı oblysynda erigen qar sýy kúre joldyń ýchaskesin shaıyp ketti

QOSTANAI. QazAqparat – «Áýlıekól-Joldama» kúre joly ýchaskesiniń jarym-jartylaı buzylýy jóndelip, ondaǵy qozǵalys qalpyna keltirildi. Bul týraly QazAqparat Qostanaı oblysy Jolaýshylar tasymaly jáne avtomobıl joldary basqarmasyna silteme jasap habarlaıdy.

Vedomstvo basshysynyń orynbasary Bolat Seıdahmetovtiń málimdeýinshe, ótkizý qubyry isten shyǵyp, joldyń bir bóligi opyrylyp túsken.

«Biz joldy qalpyna keltirip, ýchaskedegi qozǵalysty ashtyq. Onda arnaıy belgiler ornatylyp, merdiger uıymdar kezekshilik atqaryp otyr. Sondaı-aq, Qostanaı aýdanyndaǵy Sadchıkovka men Sergeevka arasyndaǵy jol ýchaskesiniń jıegi shaıylyp ketken, ondaǵy bıiktik 4 metr boldy. Qozǵalys 11 sáýirde qalpyna keltirildi. Merdiger uıymdar ol jerge qum ákelip tókti», - dep atap ótti ol.

Qazirgi kezde bul ýchaskelerde baqylaý jumystary júrgizilýde. 12 sáýirdiń tańynda jergilikti jáne oblystyq mańyzy bar barlyq jol ýchaskeleri ashyldy.