Qostanaı oblysynda er adam tanysyn pyshaqtap óltirdi
QOSTANAI. QazAqparat –Qostanaı oblysynyń Sarykól aýdanynda kúdikti eki adamǵa pyshaq saldy. Biri oqıǵa ornynda kóz jumdy, dep habarlaıdy Qazaqparat.
Aqparatty oblystyq polıtsııa departamentiniń baspasóz qyzmeti rastady. 61 jastaǵy Sarykól aýdanynyń turǵyny 49 jastaǵy tanysyna pyshaq salǵan.
«Aýyr dene jaraqatynan jábirlenýshi oqıǵa ornynda kóz jumdy. Budan soń kúdikti 1950 jyly týǵan taǵy bir er adamdy pyshaqpen urǵan. Saldarynan ol aýdandyq aýrýhanaǵa tústi»,- dedi oblystyq polıtsııa departamentiniń baspasóz hatshysy Irına Bejenar.
Polıtseıler osy derek boıynsha tergeý sharalaryn bastady. Kúdikti qamaýǵa alyndy.
