Qostanaı oblysynda elsiz dalada qar qursaýynda qalǵan balalar qutqaryldy
QOSTANAI. QazAqparat - Qostanaı oblysynyń qutqarýshylary 6 adamdy qar qursaýynan evakýatsııalady, dep habarlaıdy QazAqparat.
Bıylǵy 31 qańtar saǵat 04:32-de qutqarý qyzmetine Arqalyq-Qaıyńdy tasjolynda VAZ markaly avtokólik qar qursaýynda qalyp qoıǵany týraly habarlama kelgen.
Saǵat 07:23-te qutqarýshylar oqıǵa ornyna jetti.
Olardyń aıtýynsha, jolaýshylar Arqalyq qalasyna deıin barýdy kózdep, solaı qaraı baǵyt alǵan. Alaıda boranǵa baılanysty jol kórinbeı, júrgizýshi kólikti basqara almaǵan, sóıtip jol shetine shyǵyp ketken.
Kólik ishinde 6 adam bolǵan, onyń ekeýi - bala.
Kólikti tazartylǵan jolǵa súırep shyǵarǵan qutqarýshylar búkil jolaýshylardyń jaǵdaıyn tekserip shyqqannan keıin olardyń medıtsınalyq kómekke muqtaj emestigine kóz jetkizgen.
Al qutqarylǵandar óz kezeginde qıyn ýaqytta keleńsiz oqıǵaǵa tap bolǵan úlkender men balalarǵa jedel túrde kórsetken kómegi úshin alǵysyn jaýdyrdy.
Keleńsiz aýa raıy, burqasyn men boran, oppa qar artqa qaıtar jolda biraz qıyndyq týdyrdy, alaıda qutqarýshylar esh qıyndyqqa qaramastan jolaýshylardy Arqalyq qalasyna deıin shyǵaryp saldy.
TJD qyzmetkerleri turǵyndardy daýyldy eskertý bolǵan kezde eldi mekennen tys jerge shyqpaý kerektigin taǵy da eskertedi.
Al TJ bolǵan jaǵdaıda «101» nemese «112» nómiri boıynsha qońyraý shalýǵa shaqyrady – kómek kerek bolǵan kúnde qutqarýshylar árdaıym daıyn.
