Qostanaı oblysynda elektr energııasynyń tarıfi ósýi múmkin

QOSTANAI. QazAqparat – Qostanaı oblysynda elektr energııasy baǵalaryn ósirý boıynsha kópshilik jıyn ótkizý josparlanyp otyr. Bul týraly Tabıǵı monopolııalardy retteý komıtetiniń saıtynda habarlandy, dep jazady QazAqparat.

«Elektr energııasy baǵalaryn ósirý «Sevkazenergo» AQ-nyń elektr energııasyn satyp alýǵa jumsaıtyn shyǵyndardyń artýymen, sondaı-aq elektr energııasyn jeliler boıynsha jiberý jáne úlestirý tarıfiniń ósýimen baılanysty. Osyǵan baılanysty, «Qostanaı Energııa Ortalyǵy» JShS Qazaqstan Respýblıkasy Ulttyq ekonomıka mınıstrliginiń Tabıǵı monopolııalardy retteý komıteti Qostanaı oblysy boıynsha departamentine 2022 jyldyń 1 qańtarynan bastap elektr energııasynyń shekti baǵasyn aldaǵy ósirý týraly habarlandyrýyn jiberdi», - delingen habarlamada.

Osyǵan baılanysty, Qazaqstan Respýblıkasy Ulttyq ekonomıka mınıstrliginiń Tabıǵı monopolııalardy retteý komıteti Qostanaı oblysy boıynsha departamenti 2021 jyldyń 14 jeltoqsan kúngi saǵat 15:00-de qoǵamdyq mańyzy bar sýbekt «Qostanaı Energııa Ortalyǵy» JShS-niń elektr energııasyn (elektrmen jabdyqtaý) bólshek saýdalaý qyzmetiniń shekti baǵalary jobasyn qarastyrýdy josparlap otyr.

Kópshilik tyńdaýǵa májilis depýtattary, jergilikti ózin ózi basqarý organdary, memlekettik organ, qoǵamdyq uıymdardyń ókilderi, táýelsiz sarapshylar, buqaralyq aqparat quraldary, tutynýshylar jáne múdde tanytqan basqa da tulǵalar shaqyrylady.