Qostanaı oblysynda elektr energııasynyń baǵasy 8% ósedi

QOSTANAI. QazAqparat – Qostanaılyq tutynýshylar úshin elektr energııasynyń tarıfi 1 shildeden bastap 2 teńgege artýy múmkin. Qostanaı energoortalyǵynda aldaǵy ósim týraly málim etti, dep habarlaıdy QazAqparat tilshisi.

«QostanaıEnergoOrtalyq» JShS QR Ulttyq ekonomıka mınıstrliginiń Qostanaı oblysy boıynsha Tabıǵı monopolııalardy retteý departamentine elektr energııasynyń shekti baǵasyn aldaǵy ýaqytta 2,08 teńge/kVtsaǵ-qa nemese 7,85%-ǵa arttyrý týraly aqparat berdi. ıAǵnı, 2022 jyldyń 1 shildesinen bastap QQS esebimen 26,62 teńgeden 28,71 teńgege deıin qymbattaıdy.

Kásiporyndaǵy shekti baǵanyń ósýiniń negizgi sebepteri QR Energetıka mınıstriniń 2021 jylǵy 24 maýsymdaǵy buıryǵyna sáıkes 2021 jylǵy 1 shildeden bastap stantsııadan elektr energııasyn satyp alý qunynyń 9,2%-ǵa ósýi bolyp otyr.

Sonymen qatar, 2021 jyldyń qazan aıynan bastap «KEGOC» AQ qyzmetterine tarıfter 14%-ǵa, «QTJ» UK» AQ jelileri boıynsha elektr energııasyn tasymaldaýǵa – 4%-ǵa kóterildi. 2022 jylǵy qańtardan bastap «EPK-forfait» JShS, «MRET» JShS, «QTJ «UK» AQ, «SSGPO» AQ, «KEGOC» AQ tasymaldaýshy kompanııalarynyń tarıfi 4%-dan 13%-ǵa deıin ósti. «RFTs» JShS-nyń elektr qýatynyń júktemeni kóterýge daıyndyǵyn qamtamasyz etý boıynsha qyzmetter tarıfi 2,8%-ǵa artty. 2022 jyldyń 14 sáýirinen bastap «EPK-forfait» JShS tarıfi 4,2%-ǵa ósti.