Qostanaı oblysynda eki jol qalpyna keltirildi
ASTANA. QazAqparat - Bıylǵy sý tasqyny Qostanaı óńirindegi oblystyq mańyzy bar tórt joldy jyryp ketken. Qazirgi tańda sonyń ekeýinde qatynas qalpyna keltirildi, dep habarlaıdy Habar 24 telearnasy.
Al Áýlıekól-Dıev baǵytynda aınalma jol salynyp jatyr. Sondaı-aq, búgin Reseımen shekaralas Jel-qýar ótkizý qosyny aýmaǵynda sý deńgeıi kúrt kóterilip, jol boıyndaǵy qubyrlardy buzyp ketken. Sonyń saldarynan kórshi elge barar baǵytta júrip-turýǵa shekteý qoıyldy. Oblystyq jolaýshylar kóligi jáne avtomobıl joldary basqarmasy mamandary «Jel-qýardaǵy jaǵdaı eki-úsh kúnde qalpyna keltiriledi» - dep otyr. Olardyń aıtýynsha, mundaı keleńsiz oqıǵa buǵan deıin de bolǵan.
«Ol jerge ýaqytsha qubyrlar ornatylady. Sýdyń ótýin qamtamasyz etetin basqarmanyń jospary boıynsha ol jerge shaǵyn kópir salynatyn bolady», - deıdi oblystyq jolaýshylar kóligi jáne avtomobıl joldary basqarmasy bólim jetekshisi Aslan Ahmetjanov.
