Qostanaı oblysynda eki jol apatynan tórt adam qaza tapty

QOSTANAI. QazAqparat – Jangeldi aýdanynda bolǵan jol-kólik oqıǵalary saldarynan Torǵaı aýylynyń jergilikti úsh turǵyny, al B.Maılın aýdanynda 23 jastaǵy er adam qaza tapty, dep habarlaıdy QazAqparat Qostanaı oblystyq polıtsııa departamentiniń baspasóz qyzmetine silteme jasap.

«9 qarasha kúngi saǵat 15:00 shamasynda «Arqalyq-Torǵaı» kúre jolynyń 59-shy shaqyrymynda, Taýysh aýylynyń janynda «AUDI-80» kóligin júrgizip kele jatqan 52 jastaǵy er adam kóligin basqara almaı, kıývetke aýdaryldy. Apat saldarynan kóliktiń júrgizýshisi, 50 jáne 56 jastaǵy jolaýshylar, Torǵaı aýylynyń turǵyndary alǵan jaraqattardan oqıǵa ornynda kóz jumdy. Arnaı sot-medıtsınalyq saraptama taǵaıyndaldy. Jaraqat alǵan jeti jasar qyz bala ortalyu aýdandyu aýrýhanaǵa jetkizildi», - dep atap ótti vedomstvodan.

Sol kúngi saǵat 17 shamasynda «Qostanaı-Qarabutaq» kúre jolynyń 102-shi shaqyrymynda, Tobyl kentinen 8 shaqyrym jerde taǵy bir jol-kólik oqıǵasy oryn alǵan.

«VAZ-2112 kóligin júrgizip kele jatqan 23 jastaǵy er adam kıývetke aýdaryldy. Jol apaty saldarynan júrgizýshi kúrdeli jaraqattar alyp, Lısakov qalalyq aýrýhanasynyń jansaqtaý bóliminde qaıtys boldy. 17 jáne 28 jastaǵy jolaýshylar aýrýhanaǵa jetkizildi», - dep túsindirdi polıtsııanyń baspasóz qyzmetinen.

Atalǵan faktiler boıynsha sot aldyndaǵy tergep-tekserý amaldary júrgizilýde.