Qostanaı oblysynda eki táýlik boıy tabylmaǵan turǵyn úıine ózi keldi
QOSTANAI. QazAqparat - Amankeldi aýdanynyń turǵyndary mal izdeýge shyǵyp ketken 21 jastaǵy jigitti eki táýlik boıy izdegen, dep habarlaıdy QazAqparat tilshisi.
Aqparatty Qostanaı oblystyq TJD baspasóz qyzmeti rastady. Amankeldi aýdanynyń 21 jastaǵy turǵyny 18 qazan kúni tań atysymen mal izdeýge shyǵyp ketken.
«Іzdeý sharalaryna 30 shaqty adam jumyldyryldy. Olardyń arasynda 20 polıtseı men Soltústik óńirlik aeroutqyr jasaǵy qyzmetkerleri bar. Keıinnen bul topqa aýyl turǵyndary qosyldy», - dedi oblystyq TJD baspasóz qyzmeti.
Joǵalǵan jigit 19 qazan kúni saǵat 17:00 shamasynda úıine ózi kelgen. Aıtýynsha, aýylǵa jetý úshin qatty jaýǵan jańbyr bóget jasaǵan. Qazir jaǵdaıy birqalypty. Ol Amankeldi aýdany mańyndaǵy «Han» degen eldi mekende bolypty.
Eske salsaq , mal izdeýge shyǵyp ketken turǵyn Meńdiqara aýdanynda da izdestirilýde. Ol 1 qazan kúni úıinen shyǵyp ketip, oralmaǵan.
