Qostanaı oblysynda eki shaǵyn aýdan boı kóteredi
QOSTANAI. QazAqaprat – Aldaǵy úsh jylda Qostanaı aýdanyndaǵy Zatobol jáne Mıchýrın aýylynda «Báıterek» jáne «Astana» dep atalatyn jańa shaǵyn aýdandar paıda bolady. Bul týraly Qostanaı aýdanynyń ákimi Vıktor Radchenko jýrnalıstermen bolǵan baspasóz brıfınginde aıtty, dep habarlaıdy QazAqparat tilshisi.
Shaǵyn aýdandardyń qurylysy keler jyly bastalady. Belgilengen josparǵa saı, bul aýmaqtarda 45 turǵyn úı paıdalanýǵa berilmek.
«Qostanaı aýdanynda jaldamaly baspana alý kezeginde 2 myń adam tur. Halyqty turǵyn úımen qamtamasyz etý kórsetkishin jaqsartýda jospar aýqymdy. 2016-2018 jyldar aralaǵynda «Nurly jer» baǵdarlamasy aıasynda «Soltústik» shaǵyn aýdanynda 11 kóp páterli turǵyn úı paıdalanýǵa berildi. 339 otbasy qonys toıyn toılady. Memlekettik baǵdarlamamen salynǵan jaǵa turǵyn úılerde satylmaǵan taǵy 75 páter bar.2020 jyly Mıchýrın jáne Zatobol kentinde «Báıterek», «Astana» dep atalatyn jańa yqsham aýdandar qurylady. Qurylys jumystary 3 jylǵa josparlanǵan. Munda 45 turǵyn úı boı kóteredi. Jańa baspanalardyń barlyǵy 9 qabatty bolady», - deıdi aýdan ákimi.
Aýdan basshysy jeke turǵyn úı qurylysy boıynsha atqarylǵan jumystardy atap ótti. «Soltústik» yqsham aýdanynda 279 jer telimi ıgerilip, baspanalar salynǵan.
Taǵy bir aıta keterligi, 2023 jyly Zatobol aýylynda «Nur Álem» jańa yqsham aýdanynyń qurylysy bastalady. Onda 5 qabatty 24 turǵyn úı paıdalanýǵa beriledi. Oǵan aýdan ákimdigi qosymsha 550 jer ýchaskesin bólmek.
