Qostanaı oblysynda eki balyqshy kólge batyp ketti

QOSTANAI. QazAqparat – Qostanaı olysynyń Aqqabaq kólinen eki balyqshynyń denesi shyǵaryldy, dep habarlaıdy QazAqparat oblystyq tótenshe jaǵdaılar departamentiniń baspasóz hatshysy Ýálıhan Dosanovqa silteme jasap.

Oqıǵa Qostanaı aýdany Jdanov aýyldyq okrýgi Aqqabaq aýylynan 2 shaqyrym jerde ornalasqan Aqqabaq kólinde bolǵan. TJD kezekshi bólimine balyqshylardyń qaýrasyz qaldyrylǵan zattary týraly habarlama kelip túsken.

Qostanaı oblysy TJD jedel-qutqarý jasaǵynyń qyzmetkerleri oqıǵa ornyna shyqty. Іzdeý jumystary barysynda 1952 jáne 1942 jyly týǵan eki er adamnyń denesi kól jaǵasynan 150 metr qashyqtyqta tabylyp, sýdan shyǵaryldy.

«Bul azamattar muzdyń juqa ekenine qaramastan qaýipsizdikti elemeı, balyq aýlaý jóninde sheshim qabyldaǵan. Osyǵan baılanysty balyq aýlaýshylarǵa juqa muzdyń qaýipti ekenin eskertemiz», - deıdi Ý.Dosanov.

Oblystyq TJD balyqshylarǵa muz ústinde qarapaıym erejelerdi saqtaýǵa shaqyrady.