Qostanaı oblysynda eki balanyń anasy ózenge batyp ketti

QOSTANAI. QazAqparat – Qostanaı oblysynyń Áýlıekól aýdanyndaǵy Obaǵan ózenine eki balanyń anasy batyp ketti, dep habarlaıdy QazAqparat Qostanaı oblysy TJD baspasóz qyzmetine silteme jasap.

«Balalardy qorǵaý kúninde áıel Qusmuryn kentindegi dostarymen birge sý qoımasynda bolǵan, onda kýágerlerdiń aıtýynsha, spırttik ishimdikter iship, sonyń saldarynan qaıǵyly oqıǵa oryn alǵan. Azamattardyń sýǵa shomylýǵa jabdyqtalmaǵan jerde bolǵany, sol arqyly ózderine qaýip tóndirgeni jáne qaıǵyly saldarǵa ushyraǵany belgili boldy. Aıta keteıik, azamattar sýǵa shomylýǵa belgilenbegen orynda bolǵan, osylaısha ózderine qaýip tóndirip, saldary osyndaı qaıǵyly jaǵdaımen aıaqtalǵan», dep atap ótti vedomstvo.

Sol kúni Qostanaı oblysy TJD qyzmetkerleri izdestirý jumystarynyń nátıjesinde 1990 jyly týǵan kelinshekti jaǵadan tórt metr qashyqtyqta jáne eki metr tereńdikten tapty.

«Іzdeý kezinde súńgýirler bul aımaqta ózen túbiniń relefiniń kúrt kólbeýi bar ekenin rastady. Sońǵy bes jylda atalǵan ýchaskede qaza tapqandar bolǵan joq», - dedi TJD-da.

Vedomstvo sondaı-aq sý aıdyndarynda qaýipsizdik erejelerin saqtamaý jazataıym oqıǵalarǵa ákep soqtyratynyn eske saldy.