Qostanaı oblysynda eki bala ystan ýlandy
QOSTANAI. QazAqparat - Áýlıekól aýdanynda eki balaǵa ıis tıip, aýrýhanaǵa jetkizildi, dep habarlaıdy QazAqparat.
Aqparatty oblystyq TJD baspasóz qyzmeti taratty. Oqıǵa Áýlıekól aýdanynyń Amanqaraǵaı aýylynda bolǵan.
«Jeke turǵyn úıde qatty otynmen jylytylatyn peshtiń aqaýlyǵynan (tartqyshtyń bolmaýy) tunshyqtyrǵysh gazben ýlanǵan 2012 jáne 2014 jyly balalar aýrýhanaǵa jetkizildi», - delingen vedomstvonyń baspasóz habarlamasynda.
TJD baspasóz qyzmetinde aıtylǵandaı, jýyrda Áýlıekól aýdany, Kalının aýylynda boıjetkenge ıis tıip, ýlanyp qalǵan bolatyn. Onyń jaǵdaıy birqalypty.
