Qostanaı oblysynda eki apaly-sińlili habar-osharsyz ketti
QOSTANAI. QazAqparat - Qostanaı oblysynda Jýkovka aýylynan joǵalyp ketken apaly-sińlili izdestirilýde, dep habarlady «QazAqparat» HAA tilshisi. Úlkeni 22-de, kishisi 15-te.
Qostanaı oblysy ІІD baspasóz qyzmetinde habar-osharsyz ketkenderdi izdeý týraly aqparatty rastady.
«Іzdeý jumystary júrip jatyr. Aýdandyq jáne qalalyq ishki ister bólimderine baǵdar jiberildi, - dep atap ótti baspasóz qyzmetinde. - Bul rette boıjetkendi 25 naýryzdan bastap eshkim kórmegen, al týystary polıtsııaǵa keshe ǵana ótinishpen júgindi».
Qostanaıda eki apaly-sińliliniń joǵalyp ketkeni týraly «VKontakte» áleýmettik jelisinen belgili boldy. Rıta Gardeeva degen paıdalanýshy «Tyıym salynǵan qala Qostanaı, Rýdnyı, Lısakovsk» baılanys bólimine boıjetkenderdi izdeýge kómek surap, ótinish bildirdi. Olardyń esimderi - Anjela jáne Antonına Geja ekeni habarlandy. Gardeevanyń aıtýynsha, qyzdar 25 naýryzda Qostanaıdan shyǵyp, Jýkovkaǵa barmaqshy bolǵan. Olardy sońǵy ret «Jylyjaı kombınaty» aıaldamasynda kórgen. Anjela qyzǵylt kúrteshe, qara trıko, qara-aq tústi kedy kıgen, Al Antonına - aq kúrteshe, djınsy jáne ýgı etikte bolǵan.
Joǵalǵan apaly-sińlilerdiń qaıda ekenin biletinder bolsa polıtsııaǵa 102 nómirine qońyraý shalýlaryn ótinedi.
