Qostanaı oblysynda eki adam ystan ýlanyp, kóz jumdy
QOSTANAI. QazAqparat - Qostanaıda 3 adam ystan ýlandy, dep habarlaıdy QazAqparat oblystyq TJD baspasóz qyzmetine silteme jasap.
Oqıǵa Rýdnyı qalasynda bolǵan. Órt jylý kamerasynan shyqqan. Jalyn 5 sharshy metrdi sharpydy.
«Oqıǵa ornynan er adamnyń máıiti tabyldy. Qazir onyń tulǵasy anyqtalýda. Sondaı-aq, ystan ýlanǵan 57 jastaǵy taǵy bir er adam aýrýhanaǵa jetkizildi. Boljam boıynsha, tótenshe jaǵdaıǵa otty abaısyz tutyný sebep bolýy múmkin", - delingen habarlamada.
Baspasóz qyzmetindegiler osyǵan uqsas qaıǵyly oqıǵanyń Qamysty aýdanynyń Taldykól aýylynda bolǵanyn habarlaıdy. Jeke turǵyn úıde qatty otyn jaǵý kezinde óz abaısyzdyǵynan 66 jastaǵy er adam ystan ýlanyp, oqıǵa ornynda qaza bolǵan.
TJD mamandary oblys turǵyndaryna peshti paıdalanar kezde barynsha saq bolýdy eskertedi.
