Qostanaı oblysynda eki adam ystan ýlandy
QOSTANAI. QazAqparat - Qostanaı oblysynyń Zatobolsk aýylynda eki er adam ystan ýlanyp, qaza boldy, dep habarlaıdy «QazAqparat» HAA tilshisi.
Aqparatty Qostanaı oblysy Tótenshe jaǵdaılar departamentiniń baspasóz qyzmeti rastady. Oqıǵa «Melıorator» saıajaı qoǵamynda tús kezinde boldy.
«Saıajaı úıinde qoldan jylytylatyn pesh paıdalanylǵan. 1969 jáne 1948 jyldary dúnıege kelgen eki adam ystan ýlanyp, kóz jumdy . Sondaı-aq, 1980 jyly týǵan áıel aýrýhanaǵa jetkizildi», - deıdi Tótenshe jaǵdaılar departamentiniń baspasóz qyzmeti.
Departamenttiń málimetinshe, osy fakt boıynsha sot-medıtsınalyq saraptama taǵaıyndaldy. Oqıǵanyń sebepteri anyqtalyp jatyr .
