Qostanaı oblysynda egistiń 613 myń gektary kúıip ketti
QOSTANAI. QazAqparat - Bıylǵy qurǵaqshylyq qostanaılyq sharýalardy da tyǵyryqqa tirep otyr. Ala jazdaı jaýyn-shashynnyń bolmaýynan oblystaǵy egistiń 613 myń gektary kúıip ketti, dep habarlaıdy QazAqparat «Habar 24» telearnasyna silteme jasap.
Bul – barlyq alqaptar úlesiniń 15 protsenti. Aımaqta 18 kún boıy aýa temperatýrasy +35 gradýstan tómendegen joq. Ásirese, ońtústik óńirlerdegi tanaptardyń jaǵdaıy qıyn. Qýańshylyqtyń zardabyn Jitiqara, Qamysty, Denısov aýdandarynyń eginjaılary aıtarlyqtaı sezindi. Taǵy 45 protsentiniń kúıi qanaǵattanarlyq dep baǵalanyp otyr. Mamandar eger jaqyn arada jaýyn jaýsa, eki mıllıon gektar jerdegi bıdaıdy qutqarýǵa bolatynyn aıtýda.
«Tamyzdyń 5-i men
10-y aralyǵynda jańbyr jaýsa, jaǵdaı birshama túzeler edi. Eger
qurǵaqshylyq ári qaraı osylaı beleń alsa, onda shyǵyn kólemi ulǵaıa túspek. Jalpy
byltyrǵa qaraǵanda bıyl mol ónimge kepil joq», - oblystyq Aýyl sharýashylyǵy jáne jer qatynastary
basqarmasynyń basshysy Jansultan Taýkenov.
