Qostanaı oblysynda egilgen astyqtyń jartysyna jýyǵy jınaldy
QOSTANAI. QazAqparat - Qostanaı oblysynda 1 mln 700 myń tonna astyq daqyldary qambaǵa quıyldy, dep habarlaıdy QazAqparat.
Oblysta egin oraǵy qyzý júrip jatyr. Qolda bar málimetterge súıensek, búgingi tańda eginniń 43%-dan astamy. Bul 1 mln 700 myń tonna astyq qambaǵa quıyldy degen sóz. Mamandardyń aıtýynsha, dıqandar aldyn-ala belgilengen jospardan sál kesheýildep keledi. Byltyr osy kezeńde 1,5 mln gektardyń egini orylyp, bastyrylǵan. Astyqtyń ortasha shyǵymy gektaryna 9,5 tsentnerden aınalady. Nan saqtaý oryndaryna 118 myń tonna bıdaı jetkizildi.
«Ótken aptalardaǵy jaýǵan jańbyrdan keıin sharýalar endi ǵana oraq naýqanyna bel sheship kiristi. Byltyrǵy jylǵy kórsetkishpen salystyrsaq, eńbek ónimdiligi jóninen qalyp turmyz. Degenmen, jekelegen aýdandarda kúndik norma jetińkiremeı tur.Máselen, dıqandar táýligine 250 myń gektar alqaptyń astyǵyn orý kerek bolsa, ázirge bul kórsetkish 50-80 myńnan ári aspaı tur. Qazir jumyskerler egin alqabynda kúni-túni jumys istep jatyr»,-deıdi oblystyq aýylsharýashylyq basqarmasynyń bólim basshysy Sálimjan Esenamanov.
Búginde óńirdiń ońtústigindegi Jankeldın aýdanynda oraq naýqany bitýge jaqyn. Amankeldi aýdany da naýqannyń bel ortasynan asty. Taran aýdanynda barlyq eginniń 43 protsenti jınaldy. Oblystyń soltústik óńirleri oraqqa endi kiristi. Kún raıynyń qolaısyzdyǵy sharýalardy biraq tyǵyryqqa tiredi. Synap baǵanasynyń tómendigi astyq sapasyna edáýir áser etýi múmkin. Sınoptıkterdiń boljaýynsha, aldaǵy aptalarda kún jylynady.
Al jıyn-terimdi shashpaı-tókpeı jınap alý úshin kemi eki jeti ýaqyt kerek dep otyr qostanaılyq dıqandar. Aıta keteıik, byltyr astyq jınaý naýqany 1 qazanda aıaqtalǵan-dy.
